Drejtuesi i veturës i përfshirë në aksidentin ku mbetën të vdekur dy persona në Shirokë të Suharekës është ndaluar për 48 orë.
Këtë e ka bërë të ditur Faton Aliu, drejtor i Policisë në Prizren.
Ai ka thënë se dy personat që humbën jetë në aksident kanë qenë të moshës së re.
“Njëri nga ta është 31 dhe tjetri 20-vjeçar. P.G viti lindjes 2004 dhe B.H viti i lindjes 1993”, ka konfirmuar drejtori i Policisë së Prizrenit, raporton Telegrafi.
Ndryshe, dy persona kanë mbetur të vdekur si pasojë e një aksidenti në Suharekë.
Lajmin për Dukagjinin e ka konfirmuar Zëdhënësi i Policisë së Kosovës për rajonin e Prizrenit, Vesel Gashi, duke thënë se aksidenti ka ndodhur mes një motoçiklete dhe veture.
Gashi ka thënë se dy personat që kanë humbur jetën janë vozitësi i motoçikletës dhe bashkëudhëtari i tij.
“Magjistralen Prizren-Suharekë, saktësisht në hyrje të Suharekës rreth orës së 17:30 ka ndodhur një aksident me fatalitet në këtë aksident janë të përfshirë një automjet me targa vendore dhe një motociklete ku ka vdekur drejtuesi i motoclikeltës dhe bashkëudhtëari që ka qenë me te”, ka thënë Gashi.