Kryeminstri Albin Kurti përmes një postimi në rrjetin social Facebook ka uruar presidentin e ri të Shqipërisë, Bajram Begaj-n i cili u zgjodh i tillë gjatë ditës së shtunë të 4 qershorit.
Kurti ka shkruar se uron presidentin për përgjegjësinë dhe detyrën e re, e gjitashtu edhe popullin e Shqipërisë, kështu duke iu uruar atyre për presidentin e ri.
“Sfidat me të cilat përballen republikat tonë dhe mbarë kombi lehtësohen atëherë dhe sa herë që punojmë bashkë”, ka shkruar Kurti.
Sipas tij angazhimet dhe bashkërenditjet duhet të jenë synime për mirëqenie, liri dhe drejtësi.
“Andaj, le të angazhohemi e bashkërendohemi drejt synimeve tona për mirëqenie e liri, drejtësi e siguri, zhvillim e progres, gjithnjë në orientimin tonë të palëkundur evropian, perëndimor e demokratik”, ka shtuar Kurti.