Në Kuvendin e Kosovës pas shumë tentimesh të dështuara, sot ka arritur t’i kalojë disa prej marrëveshjeve ndërkombëtare.
Kjo u bë e mundur pasi partitë opozitare LDK-ja dhe AAK-ja vendosën që t’i votojnë të njëjtat, duke ia mundësuar partisë në pushtet kalimin e tyre.
Për këtë ka reaguar ambasadori gjerman në Kosovë, Jorn Rohde, i cili tha se marrëveshjet janë në të mirë të qytetarëve.
“Lajme të mira për Kosovën. Më në fund iu dha drita e gjelbër marrëveshjeve të rëndësishme ndërkombëtare, të arritura sot me konsensus ndër-partiak në parlament. Këto do t’i sjellin dobi popullit dhe tërë vendit”, ka shkruar Rohde.
Good news for Kosovo 🇽🇰!
Finally green light🟢🟢🟢 for important international agreements, reached through cross-party consensus in parliament today. 🙌 These will benefit the people and the whole country.
🇩🇪🤝🇽🇰— Ambassador Jörn Rohde (@GermanAmbKOS) November 23, 2023
Ndryshe, në Kuvendin e Kosovës, seanca plenare kishte nisur me një orë vonesë.
Sipas njoftimit të Kuvendit, kjo seancë ishte paraparë të niste në orën 10:00, ndërsa ka nisur në orën 11:00.
Ndërsa, në rend të ditës ishin gjithsej 27 pika.