Siç e dimë, fëmijët mësojnë nga vendi që i rrethon apo më saktë mësojnë nga antarët dhe njerëzit, të cilët ata kanë kontakt me ta.
Celularët janë teknologjia e cila tashmë është pjesë e përditshmërisë sonë, madje edhe e një pjese të madhe të fëmijëve. Ndikimi mund të jetë i mirë në shumë aspekte, por ka edhe anët tjera negative.
Janë ato të cilat nuk e lejojnë fëmijën të zhvillohet lirshëm në rrethanat dhe vendin ku jeton, pra përshtatja me të tjerët mund të jetë më ndryshe, si shkak i programeve të fëmijëve, të cilat i’u japin mendime se bota duhet të jetë ashtu siç e shohin në media.
Cilat janë anët pozitive?
Të flasim për anët pozitive kemi shumë për të thënë, por një që na bie në sy pak më tepër është:
- Njohuria e gjuhëve të huaja: Të kthehemi shumë vite më pas, mundësia për të mësuar gjuhë të huaja ka qenë vetëm në shkolla, kurse sot një përparësi e madhe i takon edhe teknologjisë. Në shumë raste hasim fëmijë që e flasin gjuhën angleze rrjedhshëm e gjithë kjo falë celularëve dhe aplikacioneve që ata i përdorin.
Po anët negative?
Sa u përket anëve negative mund të përmendim shumë nga ato si: Dëmtimi i syve, lodhje, koha e humbur para tekonlogjisë dhe jokontakti me të tjerë, gjë që i ka pasojat e veta, si për shembull, nëse e ndërlidhim me fëmijët ekstrovert dhe introvert.
Fëmijët introvert ndjehen rehat vetëm, pra pa prezencen e askujt, pra edhe mbyllja në shtëpi para televizionit mund të ndikojë që fëmija mos të jetë i hapur me të tjerët, dhe të mos e ndjejë mungesën e argëtimit me fëmijë të tjerë. Shumë fëmijë ekstrovert janë të hapur pasi kanë kontakt me botën e jashtme dhe janë shumë më energjik.
Pra, që fëmijët të kenë qasje si në shoqëri e po ashtu edhe në teknologji duhet që gjithmonë të bëjmë një balancim mes tyre.