Në Aeroportin e Mançesterit, të tretin më të madhin në Mbretërinë e Bashkuar, për shkak të problemeve me rrymë, fluturimet janë shtyer ose anuluar ka njoftuar operatori i aeroportit.
Sipas autoriteteve përgjegjëse, aeroporti është prekur nga ndalja e rrymës në gjithë zonën, në orët e mëngjesit.
Pasagjerëve në terminalet 1 dhe 2 u është thënë të mos shkojnë në aeroport, pasi të gjitha fluturimet janë anuluar deri në njoftimin e radhës.
Pasagjerëve të terminalit 3 u është thënë të shkojnë në aeroport si zakonisht, mirëpo janë paralajmëruar që mund të ketë vonesa, raporton skynews.
Po ashtu, të gjithë janë informuar se mund të kenë probleme në sigurim të valixheve.
Situata është përshkruar nga pasagjerët si “kaotike”.
