Zjarret shkatërruese në Hawaii janë nxitur nga një kombinim i erërave të forta dhe thatësirës që po mbulojnë pjesë të mëdha të ishullit.
Të paktën gjashtë persona kanë mbetur të vdekur nga zjarret në Hawaii, konfirmoi kryetari Mauit, Richard Bissen Jr.
“Tre prej tyre ishin të lidhura me zjarret”, deklaroi ai.
Një numër i madh fermash janë djegur, mijëra njerëz janë evakuuar, ndërsa guvernatori i Hawaiit, Josh Green, thotë se në mënyrë të pashmangshme do të ketë edhe më shumë viktima.
Rojat bregdetare evakuuan 12 persona që i shpëtuan zjarrit dhe tymit duke u hedhur në oqean.
Autoritetet e Hawaiit po u bëjnë thirrje njerëzve të anulojnë të gjitha udhëtimet drejt Mauit.
Raportohet se tashmë mbi 1800 njerëz janë bllokuar në aeroportin e ishullit, raporton CNN.