Kandidati për deputet nga Lidhja Demokratike e Kosovës (LDK), Arben Gashi ka bërë thirrje për mobilizim qytetar në zgjedhjet e ardhshme, duke thënë se Kosova ka nevojë për zhvillim, siguri dhe qeverisje me përgjegjësi.
“Mes krizave, përçarjeve dhe një qeverisjeje pa rezultat, qytetarët kanë fuqinë ta ndryshojnë rrjedhën e vendit”, deklaroi Gashi.
Ai tha se vendi ka nevojë për një drejtim të ri politik dhe për institucione që, sipas tij, e çojnë Kosovën përpara.
“Sot duhet mobilizim. Për një Kosovë me zhvillim, siguri dhe dinjitet. Për një shtet që ecën përpara, jo që mbetet peng i konflikteve të përhershme”, u shpreh ai.
Gashi shtoi se fitorja arrihet përmes bashkimit rreth vizionit dhe njerëzve që dinë të qeverisin.
“Fitorja vjen kur bashkohemi rreth vizionit, përgjegjësisë dhe njerëzve që dinë të qeverisin”, tha kandidati i LDK-së.
Në fund, ai u bëri thirrje qytetarëve që në zgjedhje të mbështesin LDK-në dhe kandidaturën e tij.
“Më zgjedhje, voto për Kosovën që fiton. LDK 113, Arben Gashi 28”, përfundoi ai.