Janë arrestuar dy persona të gjinisë mashkullore pasi të njëjtit, dyshohen të iu kenë marrë para së paku 13 personave duke ju premtuar të njëjtëve, caktim të termineve për vizë.
Përmes një njoftimi, Policia e Kosovës ka njoftuar se A.I. ,19-vjeçar dhe L. I., 18-vjeçar, janë dërguar në mbajtje për 48 orë.
“Arrestohen dy persona të dyshuar për mashtrim/ Hetuesit e stacionit policor Veriu, në Prishtinë, sot kanë arrestuar dy persona të dyshuar për veprën mashtrim. Puna rreth dy mujore e hetuesve ka rezultuar me identifikimin e personave të dyshuar dhe arrestimin e tyre.
Personat e dyshuar:
– A.I, mashkull 19 vjeç, shtetas i Republikës së Kosovës dhe
– L. I, mashkull 18 vjeç, shtetase e Republikës së Kosovës,
të cilët me vendim të prokurorit , janë dërguar në mbajtjes për 48 orë, dyshohet të kenë marrë nga së paku 13 persona, shuma të ndryshme parashë, duke ju premtuar caktim të termineve për vizë”, thuhet në njoftim.
Krahas kësaj, në njoftim thuhet se PK ka ngritur dyshimin e bazuar se më shumë njerëz mund të jenë mashtruar sesa numri i raportuar.
“Mbështetur në rezultate e para të hetimit, policia ka ngritur dyshimin e bazuar se mashtrimi mund të ketë ndodhur në vazhdimësi për një periudhë të gjatë kohore dhe dyshohet se numri i personave të mashtruar nga personat e dyshuar mund të jetë më i madh se sa numri i raportuar. Andaj, kërkojmë nga qytetarët që mund të kenë qenë viktimë e rasteve të tilla të lajmërohen në stacionin më të afërt policor, për të ndihmuar policinë drejt hetimit përfundimtar”, thuhet në njoftim.