Policia e Kosovës në bashkëpunim me Agjencinë e Kosovës për Inteligjencë dhe prokurorinë, kanë identifikuar dhe arrestuar katër të dyshuar në drejtim të veprës penale “Blerja, posedimi, shpërndarja dhe shitja e paautorizuar e narkotikeve”, në Suharekë.
Lidhur me rastin është njoftuar Prokuroria dhe në vazhdën e operacionit policor me autorizim nga prokurori/ja kujdestare është realizuar kontrolli i shtëpisë së të dyshuarit me iniciale (S. S.) në fshatin “Grejkoc” të Suharekës dhe gjatë kontrollit si prova/dëshmi materiale janë sekuestruan si në vijim:
- Pesë (5) paketime të mbushura me substancë të dyshuar narkotike e llojit Marihuanë me peshë 50.600 Kilogram ( Pesëdhjetë kilogram e 600 gram);
- Një (1) pushkë gjuetie dhe 30 fishek;
- Një (1) diviar;
- Një (1) veturë;
- Një (1) telefon Samsung me kartela të operatorëve Vala dhe Ipko.
- Një (1) peshore digjitale;
- Para të Gatshme, (1425) Njëmijë e katërqind e njëzet e pesë Euro.
- Një (1) Iphone 12 pro;
- Një (1) telefon Samsung;
- Një (1) telefon Iphone XS;
- Një (1) Telefon Nokia;
- Një (1) veturë BMW.
Të dyshuarit e arrestuar janë intervistuar në prezencë të avokatit mbrojtës dhe me vendim të prokurorit të shtetit ndalohen për 48 orë për procedura të mëtejme ligjore.
Vlera e substancës së dyshuar narkotike e cila është konfiskuar është rreth 70 mijë euro.