Policia e Kosovës ka bërë të ditur se mbrëmë ka pranuar informata për të shtëna me armë zjarri në lagjen Arbëria në Prishtinë, në vendin e njohur edhe si te “Rrethi i Ismetit”.
Sipas raportit të 24 orëve të fundit, tre persona prej dy veturave në lëvizje kanë shtënë me armë zjarri.
“Prishtinë/18.04.2024-19:20. Është pranuar informata për gjuajtje me armë zjarri ku dyshohet se nga dy vetura në lëvizje persona të dyshuar kanë shtënë me armë zjarri. Lidhur me rastin në stacion policor janë paraqitur tre të dyshuar meshkuj kosovarë, ku njëri prej tyre ka dorëzuar armën e tij”, thuhet në raport.
Sipas raportit të Policisë së Kosovës, pas intervistimit me vendim të prokurorit kujdestar, të dyshuarit janë dërguar në qendër të mbajtjes.