Arrestohet edhe një person nën dyshimin për dhunim të 11-vjeçares

Nje person i moshës madhore është ndaluar për 48 orë nga Prokuroria Themelore në Prishtinë, nën dyshimin për dhunim të 11-vjeçares në Prishtinë

Ilustrim

Prokuroria Themelore e Prishtinës ka njoftuar se ka ndaluar për 48 orë një person nën dyshimin për dhunim të 11-vjeçares në Prishtinë.

Sipas njoftimit të prokurorisë, thuhet se bëhet fjalë për rastin e ndodhur në muajin qershor të këtij viti.

“Prokuroria Themelore në Prishtinë, njofton opinionin publik se me urdhër të Prokurorit të Shtetit, ka ndaluar një person (madhor) në kohëzgjatje prej 48 orësh, nën dyshimin se i njëjti ka kryer veprën penale “Dhunimi”, sipas KPRK-së, lidhur me rastin e 11-vjeçares, në qershor të vitit 2022”, thuhet në njoftim.

Po ashtu, ka njoftuar se Prokurori i Shtetit brenda afatit ligjor do të ushtrojë kërkesë për caktimin e masës së paraburgimit ndaj të pandehurit, në gjykatën kompetente.

Ndryshe, ky është personi i 12-të, i arrestuar nën dyshimet për dhunimin e 11-vjeçares.

Ndryshe, të mërkurën e 14 shtatorit, është zhvilluar një aksion simbolik para Këshillit Prokurorial, të organizuar nga Kolektivi për Mendim dhe Veprim Feminist.

Me anë të këtij aksioni është kërkuar shkarkimi i kryeprokurorit të Prishtinës, Kujtim Munishi dhe prokurorit Ruhan Salihu.

Njëra nga organizatoret, Anita Mjeku, ka thënë se Prokuroria Themelore në Prishtinë, është bashkëfajtore në përdhunimin e vajzës 11-vjeçare në Prishtinë nga pesë burra, ngjarje kjo që ndodhi në muajin gusht të këtij viti.

Prokuroria është përballur me këtë “akuzë”, për shkak se siç thotë Mjeku rasti kishte ndodhur edhe në qershor dhe ishte në duart e prokurorit Ruhan Salihu, “që e kishte neglizhuar rastin”.

“Sot ne i shpallim Prokurorinë dhe KPK-në si zona krimi. Përmes këtij institucioni prapa mirëmbahen neglizhentë, seksistë dhe riprodhohen prokurorë e rascistë që më pas shndërrohen edhe në bashkëfajtorë të krimeve me baza gjinore”, ka thënë Mjeku, shkruan KP.

Mjeku më tej shtoi se Ruhan Salihu ishte prokuror edhe në rastin e Kujtim Veselit, 11- vjeçarit që u përdhunua e më pas u vra.

“Prokuroi Salihu ende vazhdon të punojë i pashqetësuar”, është shprehur ajo.

Mjeku kërkoi më tej që trajtimi i rastit të 11-vjeçares të hiqet nga kompetenca e Prokurorisë Themelore të Prishtinës dhe t’i kalojë asaj Speciale.

 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika