Një person është arrestuar të hënën në Lipjan, pasi dyshohet se ka ushtruar dhunë fizike dhe psikike ndaj bashkëshortes, babit dhe njerkës së tij.
Siç ka njoftuar Policia e Kosovës në raportin 24-orësh, njëri nga viktimat ka pranuar tretman mjekësor.
“Është arrestuar i dyshuari mashkull kosovar pasi që i njëjti ka shkaktuar dhunë fizike dhe psikike ndaj bashkëshortes, babait dhe njerkës së tij, ku njëra nga viktimat ka pranuar tretman mjekësor”, thuhet në njoftimin e Policisë.
Ndërsa, i dyshuari pas intervistimit me vendim të prokurorit, është dërguar në mbajtje.