Policia e Kosovës ka bërë të ditur se të hënën më 6 mars është arrestuar një grua e dyshuar për kryerjen e veprës penale të mundësimit apo detyrimit të prostitucionit dhe sigurimit të lokaleve për prostitucion.
Nëpërmjet raportit 24-orësh, policia ka bërë të ditur se e dyshuara është arrestuar rreth orës 18:30 në një lokal masazhi, nga ku janë sekuestruar një telefon dhe 35 euro.
“Në një lokal masazhi është arrestuar e dyshuara femër kosovare nën dyshimin se ka kryer veprën mundësim apo detyrim në prostitucion dhe ofrim i lokaleve për prostitucion. Janë gjetur dhe sekuestruar një telefon dhe tridhjetë e pesë (35) euro”, thuhet në njoftim.
Sipas njoftimit të policisë, lidhur me rastin është konsultuar prokurori i shtetit, me vendim të të cilit e dyshuara pas intervistimit është dërguar në mbajtje, ndërsa, rasti vazhdon të hetohet.