Policia e Kosovës ka njoftuar se të enjten ka intensifikuar kontrollet taktike dhe operacionale në terren, ku si rezultat i kësaj është identifikuar një rast i kontrabandës me mallra dhe është arrestuar një person i dyshuar.
Njësia policore gjatë patrullimit në brezin kufitar kanë ndërmarrë masa të nevojshme operativo-taktike, duke ndaluar një automjet kombi pa targa, me vozitës të dyshuarin me iniciale (M.K.)
Siç ka njoftuar Policia e Kosovës, gjatë kontrollit në veturë janë gjetur dhe sekuestruar: Njëqind e katër (104) pako me vaj motorik, katër (4) fellne mercedes AMG, gjashtë (6) goma të veturës.
Sipas Policisë, provat e lartcekura janë proceduar sipas procedurave të parapara, ndërsa i dyshuari me vendim të prokurorit është liruar në procedurë të rregullt.
Ndërsa, rasti është duke u trajtuar nga njësitet përkatëse policore të Drejtorisë Rajonale Kufitare Veri.