Një i mitur është arrestuar në komunën e Lipjanit nën dyshimet për tentim vrasje ndaj dy personave të tjerë.
Në njoftimin e policisë thuhet se i dyshuari ka tentuar me thikë t’i vrasë viktimat, derisa kanë shtuar se personat e lënduar janë dërguar për trajtim mjekësor.
“Bazuar në të dhënat fillestare, në këtë rast janë lënduar dy persona, të cilët dyshohet të kenë pësuar lëndime nga një mjet i mprehtë. Personat e lënduar janë dërguar për trajtim mjekësor, ndërkohë që policia menjëherë ka identifikuar dhe arrestuar personin e dyshuar”, thuhet në njoftim.
I dyshuari me inicialet E.K, pas intervistimit, me vendim të prokurorit është dërguar në qendrën e mbajtjes.
Sipas policisë, hetuesit janë duke i kryer procedurat e nevojshme lidhur me rastin, i cili është cilësuar si vrasje në tentativë.