Një person është arrestuar në Obiliq. Ai dyshohet se ka vjedhur thëngjill nga shiritat transportues të KEK-ut.
Policia e Kosovës, përmes raportit 24-orësh, ka njoftuar se i dyshuari pas intervistimit me vendim të prokurorit është dërguar në mbajtje.
Automjeti dhe thëngjilli janë sekuestruar.
“Është arrestuar i dyshuari kosovar për shkak se është kapur duke e mbushur kamionetën e tij me thëngjill nga shiritat transportues të KEK-ut. Automjeti dhe thëngjilli janë sekuestruar, ndërsa i dyshuari pas intervistimit me vendim të prokurorit është dërguar në mbajtje”, thuhet në raport.