Një person 49-vjeçar është arrestuar në Brezovicë të Shtërpcës për dhunë në familje.
Ai kishte shkaktuar dhunë ndaj bashkëshortes së tij dhe babait të bashkëshortes, nën ndikim të alkoolit.
I dyshuari për dhunë në familje dhe kanosje është ndaluar në mbajtje për 48 orë.
Ndërsa gjatë hetimit të këtij rasti, policia ka pranuar një informatë që (vjehrri) i tij 73-vjeçar, posedon armë zjarri.
Atij i është gjetur një pushkë automatike me 10 fishekë.
“Policia e stacionit në Shtërpcë me datën 28.08.2024 rreth orës 13:10 ka pranuar një informacion se në Brezovicë të Shtërpcës është një rast i dhunës në familje dhe kanosjes. Policët e rendit dhe hetuesit policorë të Njësisë së Dhunës në Familje menjëherë janë nisur në atë drejtim dhe kanë arritur që të arrestojnë personin, mashkull kosovar, i moshës 49 vjeçar, i cili në gjendje të dehur kishte shkaktuar dhunë në familje ndaj bashkëshortes së tij dhe më pas kishte kanosur edhe babën e saj ( vjehrrin),” thuhet në njoftimin e policisë.
“Gjatë hetimit të rastit nga i dyshuari për dhunë në familje dhe kanosje, policia ka pranuar informatën se vjehrri i tij posedon armë zjarri dhe tek personi mashkull, kosovar, i moshës 73 vjeçar është gjetur një pushkë gjysmë automatike me 10 fishekë. Ndaj tij është iniciuar rasti ‘’Mbajtje në pronësi, posedim i paautorizuar i armëve ‘’ dhe është liruar në procedurë të rregullt hetimore. Për të gjitha veprimet policore është njoftuar prokurori i shtetit dhe me vendim të tij, i dyshuari për dhunë në familje dhe kanosje është ndaluar në mbajtje për 48 orë, për procedura tjera hetimore.”
