Bad News Eagles fillojnë me fitore rrugëtimin në CS:GO

Bad News Eagles (BNE), filluan rrugëtimin në turneun më të madh të CS:GO, me fitore, në qytetin Antwerp të Belgjikës, kundër skuadrës turke, Eternal Fire

Ekipi, Bad News Eagles

“Bad News Eagles” (BNE), e filluan rrugëtimin në turneun më të madh të CS:GO, me fitore, kësaj radhe në një ndeshje të jashtëzakonshme në qytetin Antwerp të Belgjikës, kundër skuadrës turke, Eternal Fire.

Bad News Eagles kanë përfunduar lojën me rezultat 16:14, fitues të gjashtë raundeve radhazi. Ky rezultat erdhi nga bashkëpunimi i vazhdueshëm i ekipit kosovar që lehtësisht e konfirmuan fitoren.

Pra, ekipi BNE në vetëm një map, konfirmuan fitoren e tyre për të vazhduar lojën kundër ekipeve më te forta në botë.

Me këtë fitore tani ekipi shqiptar mban serinë 1:0 me ndeshje (1 fitore, 0 humbje), dhe do të ndeshet përsëri të hënën më 9 maj, me kundërshtarin i cili nuk është bërë i ditur akoma.

Rreth 74 mijë shikues ishin të pranishëm në live stream-in zyrtar të Professional Gamers League (PGL), dhe rreth 11 mijë shikues ishin të pranishëm te live stream i kosovarit Ernest Xhoci, për të shikuar duelin e djemve nga Kosova kundër ekipit truk.

Djemtë e Kosovës, kishin përballë ekipin e turk që radhitën në vendin e 29 në ranglistën botërore, ndërsa ekipi i ynë, Bad News Eagles, në vendin e 28.

Pasi ka numëruar disa nga skuadrat më të forta që do të marrin pjesë dhe janë favorite, organizatori ESL Counter-Strike e ka futur në mesin e më të mirave edhe skuadrën tonë, Bad News Eagles.

Çmimi i madh i këtij turneu është 1 milion euro, ekipi ynë po lufton fortë të e marrë këtë çmim, por ata kanë fituar zemrat e pothuajse gjithsecilit shikues.

Duke filluar nga kryeministri i Kosovës, Albin Kurti, i veshur me fanellën e ‘Bad News Eagles’, ka treguar mbështetjen ndaj ekipit kosovar në lojën e tyre të parë pas kualifikimit në turneun botëror të CS:GO.

Përmes një postimi në Instagram, Kurti ka treguar se po përcjell lojën e kosovarëve kundër Turqisë nga Amerika, aty ku ndodhet aktualisht.

Albin Kurti, kryeministri i Kosovës, duke shikuar lojën e ekipit kosovar “BNE”. 9 maj 2022

Po ashtu, në videon e publikuar nga ESL Counter-Strike që zgjat më shumë se katër minuta, flitet për të arriturat e ekipit BNE, për formën e tyre, por edhe lidhjen shpirtërore që e kanë lojtarët me njëri-tjetrin.

Kjo i bën ata si një nga skuadrat më emocionuese për t’u parë në Major Antwerp, ku thuhet se mund të jenë edhe befasi e këndshme dhe mund ta fitojnë të gjithë turneun.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika