Ekipi shqiptar Bad News Eagles ka shënuar fitore në ndeshjen e sotme ndaj ekipit danez Astralis.
Edhe pse në ndeshjen e djeshme, BNE kanë pësuar humbje nga ekipi NiP, përseri ekipi shqiptar nuk u dorëzuan dhe u rikthyen të nesërmen me një fitore bindëse.
Kjo ndeshje gjatë gjithë kohës u dominua nga ekipi shqiptar dhe u përmbyll me rezultat 16 me 3 në mapin ‘Ancient’.
Astralis të cilët renditen në vendin e tetë në ranglistën botërore, nuk patën as një mundësi që të rikthejnë lojën ndaj ekipit shqiptar.
Paraqitje fantastike treguan të gjithë lojtarët e ekipit shqiptar, ai më i dalluari ishte kapiteni i ekipit Dionis ‘sinnopsyy’ Budeci i cili realizoi 27 eliminime.
Tani pas kësaj fitore ekipit shqiptar i duhet edhe një fitore tjetër për t’u kualifikuar në Majorin e madh të CS:GO, i cili do të mbahet në Rio de Janeiro të Brazilit.
Ndeshjen e radhës ekipi shqiptar do ta zhvilloj nesër (e premte), dhe kundërshtari i tyre do të mësohet së shpejti.