Ballkani njofton se do të luajë në “Air Albania”, nuk e përmend “baltën” në stadiumin “Fadil Vokrri”

Pas njoftimit të UEFA-së se FC Ballkani duelin e radhës me ekipin e Viktoria Plzen, do ta zhvillojë ndeshjen në stadiumin “Air Albania”, këta të fundit kanë sqaruar arsyejet e udhëtimit drejt Shqipërisë.

Madje, FC Ballkani nuk ka treguar se pas gjendjes së keqe të fushës në stadiumin “Fadil Vokrri”, është zhvendosur tek “Air Albania”.

Por, sipas tyre, kualifikimi i Kombëtarës së Shqipërisë në Evropianin e 2024, “ndoshta” i sjell fat kampionit aktual të futbollit në Kosovë.

“Aty ku shqiptarët e bashkuar në Kombëtaren e Shqipërisë, shënuan rezultat historik në kualifikimet për Euro 2024, të enjten e 30 nëntorit zbret kampioni i Kosovës, që poashtu tash e disa vite ka bërë bashkë futbollistë nga të gjitha trevat tona”, kanë shkruar FC Ballkani.

Balta e stadiumit “Fadil Vokrri” e “papërshtatshme” për të zhvilluar ndeshje, Ballkani zhvendoset tek “Air Albania”

UEFA ka vendosur që ndeshja e Ligës së Konferencës ndërmjet Ballkanit dhe Viktoria Plzen të mos luhet në stadiumin “Fadil Vokrri” në Prishtinë.

Mirëmbajtja e stadiumit në kryeqytet është në gjendje të “mjerueshme” pas ndeshjes së zhvilluar të Kosovës si nikoqire e Izraelit dhe Bjellorusisë, ka bërë që ndeshjet e radhës për Ligën e Konferencës të mos zhvillohen aty, por të zhvendosen te stadiumet që i plotësojnë kushtet “minimale”.

Së pari, Kosova i mposhti izraelitët me rezultat 1-0, ndërsa me të njëjtin rezultat u mposht nga Bjellorusia.

Ndeshja do të zhvillohet në Air Albania në Tiranë, ndërsa opsion tjetër ishte edhe Arena e Kukësit.

Ndryshe, sa i përket mirëmbajtjes së stadiumit, “Stallë derrash” e cilësoi lojtari më i njohur izraelit, Eran Zahevi, fushën e stadiumit “Fadil Vokrri”, pas lojës me Kosovën të dielën e 12 nëntorit.

Ky deklarim i tij e fusha e mjerueshme nxiti reagime të shumta në opinionin publik, e mbi të gjitha ngriti dilemën se kush duhet të jetë përgjegjës për stadiumin që mban emrin e legjendës Fadil Vokrri.

Në lojë për mirëmbajtjen e “Fadil Vokrrit” ishin Federata e Futbollit të Kosovës (FFK) dhe komuna e Prishtinës, kështu Dukagjini dërgoi pyetje në adresat e të dyjave. E, FFK-ja e komuna e Prishtinës u përgjigjen me njoftime publike.

FFK-ja e udhëheqësia e Prishtinës ashtu si në futboll ia “gjuajtën topin” njëra-tjetrës, në lidhje me përgjegjësinë e mirëmbajtjes së fushës “Fadil Vokrri”.

Përmes një postimi në Facebook, komuna e Prishtinës reagoi duke thënë se mirëmbajtja e stadiumit nuk është përgjegjësi e tyre, por obligim i Federatës së Futbollit të Kosovës.

Shija e redaktorit

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Të fundit nga rubrika