Barcelona në kuadër të javës së 31-të në La Liga, ka shënuar fitore me shumë vështërsi ndaj Levantes të dielën mbrëma, me rezultat 3 me 2, kjo falë golit të shënuar nga rezervisti Luuk de Jong në minutat shtesë. Ai shënoi duke goditur me kokë pas krosimit të Jordi Albas.
Ndeshja ishte dramatike dhe rezultatet u shënuan në kohë të paprituara.
Performanca e Barçës në pjesën e parë ishte jashtëzakonisht zhgënjyese për tifozët e saj. Levante arriti golin e parë, pasi Son u rrëzua në zonë dhe u thirr për penallti.
Jose Luis Morales shënoi nga pika e bardhë për rezultatin 1:0 në minutën e 51-të, duke e vendosur Levantes në kryesim. Roger humbi penalltinë e dytë të Levantes, në minutën e 55-të.
Pierre Emerick Aubameyang shënoi në minutën e 59-të pas asistimit të Ousmane Dembeles për rezultatin 1:1 ndaj Levante. Pedri shënoi për 2:1 në të mirë të Barcelonës, në minutën e 63-të.
Por Levante pas humbjes së penalltis së dytë, fitoi një penallti tjetër, pra të tretën në ndeshje. Atë e konkretizoi Gonzalo Melero në minutën e 83-të dhe, rezultati u barazua në 2:2.
Barcelona zgjati serinë e saj të fitoreve në La Liga në shtatë ndeshje dhe do ta mbyllë fundjavën e dyta në tabelë falë kësaj fitoreje të egër ndaj Levantes e që u bë një nga ndeshjet më të çmendura të sezonit.