Bayern Munich i është shmangur dënimit pasi kishte 12 lojtarë në fushë për 17 sekonda në fitoren 4-1 të Bundesligës kundër Freiburg, të shtunën.
Gjyqtari i katërt ka treguar numrin e gabuar në tabelë, që do të thotë se, Kingsley Coman nuk e dinte se ai duhej të dilte pas një ndryshimi të vonuar.
Federata Gjermane e Futbollit (DFB) ka thënë se, incidenti ishte nga faji i zyrtarëve dhe jo i Bayernit.
Lideri, Bayern, është nëntë pikë mbi Borussia Dortmund me gjashtë ndeshje të mbetura.
Incidenti ka ndodhur kur Niklas Sule dhe Marcel Sabitzer kanë hyrë në fushë në minutën e 86-të, ndërsa ka dalë vetëm Corentin Tolisso.
Zyrtarët janë alarmuar shpejt për ngatërresën, duke shkaktuar një vonesë të gjatë në mes të shumë konfuzioneve, gjersa është zgjidhur.
Freiburgu ka paraqitur një apel kundër rezultatit, duke u bazuar në rregullat e futbollit gjerman që deklaronin se, çdo skuadër që sjell 12 lojtarë ndëshkohet me humbjen e lojës dhe çdo pike, por, ky apel është refuzuar.
“Gjykata sportive e DFB ka vendosur që Bayern Munich nuk mund të fajësohet për futjen e një lojtari të pakualifikuar”, ka thënë DFB në një deklaratë.