BE-ja pret që Projektligji për KPK-në të përputhet me rekomandimet e Komisionit të Venecias

Kuvendi i Kosovës miratoi në parim Projektligjin për Këshillin Prokurorial të Kosovës në seancën e së enjtes, duke marrë votën nga 61 deputetë, pa vota kundër apo abstenime. Lidhur me këtë, shefi i Zyrës së BE-së në Kosovë, Tomas Szunyog, ka theksuar se pret që drafti i ligjit të përputhet me rekomandimet e Komisionit të Venecias

Ambasadori i Bashkimit Evropian në Kosovë, Tomas Szunyog.

Kuvendi i Kosovës në seancën e së enjtes ka miratuar në parim Projektligjin për Këshillin Prokurorial të Kosovës (KPK).

Për këtë, shefi i Zyrës së Bashkimit Evropian (BE) në Kosovë, Tomas Szunyog, ka thënë se pret që drafti të përputhet me rekomandimet e Komisionit të Venecias.

“Ne presim që drafti të përputhet plotësisht me rekomandimet e Komisionit të Venecias para miratimit të ligjit”, ka shkruar Szunyog në rrjetin social X.

Projektligji për KPK-në është votuar nga 61 deputetë, asnjë votë nuk ishte kundër dhe asnjë abstenim.

Visar Krasniqi, zgjidhet anëtar i KPK-së nga shoqëria civile

Ndryshe, Komisioni i Venecias më 24 gusht 2023 kishte njoftuar se është përgatitur draft-opinioni për Projektligjin për Ndryshimin dhe Plotësimin e Ligjit për Këshillin Prokurorial të Kosovës.

Kjo pasi, kryetari i Kuvendit të Kosovës, Glauk Konjufca, më 30 korrik kishte bërë të ditur se e ka dërguar për mendim në Komisionin e Venecias, Projektligjin për Ndryshimin dhe Plotësimin e Ligjit për Këshillin Prokurorial të Kosovës.

Komisioni njofton se Konjufca ua ka kërkuar këtë mendim me letrën e dorëzuar më 28 korrik.

Dërgimin e Projektligjit për Këshillin Prokurorial në Komisionin e Venecias nga kryeparlamentari Konjufca, e kishte përshëndetur shefi i Zyrës së Bashkimit Evropian në Kosovë, Tomas Szunyog, duke thënë se mirëpret gatishmërinë e Konjufcës.

Qeveria e Kosovës më 12 korrik 2023 kishte miratuar versionin e ri të Projektligjit për Këshillin Prokurorial të Kosovës, pas ndryshimeve të bëra nga Ministria e Drejtësisë.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika