Presidenti i Shqipërisë, Bajram Begaj, të hënën e 15 gushtit do të vijë në Kosovë për vizitë me ftesë të presidentes, Vjosa Osmani.
Kjo do të jetë vizita e parë zyrtare pas marrjes së mandatit si president i Shqipërisë.
Osmani, do të presë presidentin Begaj, me ceremonitë më të larta shtetërore.
Pas ceremonisë së pritjes, është planifikuar të zvillohet një takim mes dy krerëve të shteteve.
Pas përfundimit të takimit presidentja e Kosovës, Vjosa Osmani dhe presidenti i Shqipërisë, Bajram Begaj do të kenë deklaratë të përbashkët për media.
Ndryshe Begaj, është presidenti i 8-të i Republikës së Shqipërisë.