Berisha – Kurtit: Sille ligjin për shfuqizim të të gjitha marrëveshjeve të dialogut, do ta kesh votën time

Deputeti i PDK-së, Hisen Berisha, i ka thënë kryeministrit të Kosovës, Albin Kurti se nëse ai e sjell ligjin për shfuqizim të të gjitha marrëveshjeve të dialogut, do ta ketë votën e tij

Deputeti i PDK-së, Hisen Berisha dhe Kryeministrit të Kosovës, Albin Kurti

Deputeti i PDK-së, Hisen Berisha, i është drejtuar kryeministrit të Kosovës, Albin Kurti, duke i thënë se nëse ai e sjell ligjin për shfuqizim të të gjitha marrëveshjeve të dialogut, do ta ketë votën e tij.

“Kryeministër, sille ligjin për shfuqizim të të gjitha marrëveshjeve të dialogut, do ta kesh votën time!”, ka thënë Berisha.

Këtë, deputeti nga radhët e PDK-së e ka thënë në një intervistë për abcnews.al.

Në këtë intervistë, sjelljet e kryeministrit Kurti, Berisha i konsideron si “sjellje politike të pandërgjegjshme shtetërore”. Ai ka thënë se këto sjellje mund t’i kushtojnë politikisht Kurtit, por, sipas tij, dëmi rëndon mbi Kosovën dhe qytetarët.

“Këto sjellje politike të pandërgjegjshme shtetërore, mund t’i kushtojnë politikisht Kurtit, por dëmi rëndon mbi Kosovën dhe qytetarët, për shkak të sanksioneve të cilat, tashmë po i vuajmë dhe të tjera që janë paralajmëruar”, jo vetëm nga BE-ja, por edhe nga SHBA-ja”, ka thënë Berisha.

Berisha nga PDK-ja është shprehur konsistent në qëndrimin e tij se marrëveshja e Brukselit dhe e Ohrit janë “të dëmshme dhe antikushtetuese”.

“Unë jam konsisten në qëndrimin tim se marrëveshja e Brukselit dhe Ohrit, janë të dëmshme dhe antikushtetuese, por me e dëmshme do të jetë sjellja e kryeministrit, e cila po vlerësohet me nota negative dhe u dënua ndërkombëtarisht”.

Sipas tij, ekziston një “zgjidhje” për këtë situatë.

Berisha ka theksuar se “zgjidhja” është nëse kryeministri Kurti e sjell Ligjin për shfuqizim të të gjitha marrëveshjeve të dialogut dhe ai ligj të ratifikohet me 2/3 e votave të Kuvendit të Kosovës.

“E vetmja zgjidhje është, nëse Kryeministri e sjell Ligjin për shfuqizim të të gjitha marrëveshjeve të dialogut dhe ai ligj të ratifikohet me 2/3 e votave të Kuvendit të Kosovës. Në këtë mënyrë Kosova nuk ka më detyrime ndaj marrëveshjeve ndërkombëtare! Personalisht do t’ia votoja ligjin me të cilin dilet prej marrëveshjeve të këqija të Albin Kurtit, si ajo për energji, targa, lëvizje të lirë, atë të Brukselit e Ohrit”, ka theksuar ai.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika