Besnik Tahiri drejtuar Hekuran Muratit: Je duke e fundosur Qeverinë Kurti

Investimet kapitale nëpër komuna kanë shkaktuar polemika në mes të shefit të grupit parlamentar të AAK-së Besnik Tahirit dhe ministrit të Financave, Hekuran Muratit.

Deputeti i AAK-së, Besnik Tahiri

Investimet kapitale nëpër komuna janë bërë debat në mes të deputetit Besnik Tahirit dhe ministrit, Hekuran Muratit.

Sipas Tahirit, qeveria ka bllokuar investimet kapitale nëpër komuna.

Tahiri iu drejtua ministrit Murati, duke i thënë se : “Je ministri më i dështuar, je duke e fundosur Qeverinë Kurti”.

Ndërsa Murati nuk i ka pranuar akuzat, sipas tij nuk ka ndonjë bllokadë nga Qeveria sa i përket investimeve kapitale.

“Çka desha të sqaroj është se nuk ka bllokadë nga pushteti qendror ndaj pushtetit lokal. Përkundrazi ne kërkojmë nga ta që t’i kryejnë projektet sa më shpejt që është e mundur që ekzekutimi të bëhet sipas afateve të parapara. Sa i përket mbështetjeve shtesë me lista të projekteve e kuptoj që një praktikë e tillë mund të ketë funksionuar në të kaluarën, ka pasur disa koalicione në qeveri dhe pastaj kryetarët e komunave që e kanë pasur ministrin e së njëjtës parti kanë shkuar me listë dhe janë miratuar projektet. Kjo nuk ndodh, të gjithë trajtohen barabartë”, kishte thënë Murati.

Me këtë rast Shefi i Grupit Parlamentar të AAK-së, Besnik Tahiri ka ngritur shqetësim dhe nga qeveria kërkon ta bëjë rishikimin e buxhetit nëpër komuna.

“Një shqetësim që vjen nga pushteti lokal, nga komunat e Kosovës, pasi investimet kapitale dhe raportet në mes qeverisë dhe komunave nuk kanë qenë asnjëherë më të dobësuara në raport me projektet kapitale. E para, qeveria duhet urgjentisht që në procesin e rishikimit buxhetor të adresojë kërkesat reale të komunave të Kosovës. Investimet kapitale në komuna janë të bllokuara. Procesi i buxhetimit për 2023 duhet të jetë shumë më transparent dhe nuk duhet të ketë qasje politike”, tha Tahiri, gjatë seancës plenare.

Tahiri tha se asnjë projekt i dorëzuar nëpër ministri nga komunat nuk ka marrë përgjigje.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika