Billy Gibbons është padyshim një nga personat më ikonë të rock-ut që ka zbukuruar skenën. Veshjet e tij të çuditshme, mjekra që zgjatet deri në gjoks, zëri dallues i baritonit, dhe stili i kitarës blu e bëjnë Gibbons një yll vërtet heroik.
Gibbons ishte i destinuar të hynte në fushën e muzikës, duke parë se babai i tij ishte një dirigjent orkestre dhe pianist koncertesh, i cili punonte për Samuel Goldwyn në MGM Studios. Kur Gibbons ishte shtatë vjeç, babai i tij e çoi në një seancë regjistrimi të BB King, e cila frymëzoi një Gibbons të ri që të merrte një kitarë për herë të parë
Si një i ri, Gibbons formoi një rock band me zhanër psikodelik në Teksas të quajtur ‘Moving Sidewalks, grup me të cilin hapi disa shfaqje për mikun e tij Jimi Hendrix.
Më vonë, në vitin 1969, Gibbons themeloi grupin për të cilin do të bëhej më i njohur, ZZ Top, dhe ata u bënë pionierë të lëvizjes blues-rock që përfshiu Amerikën.
Gibbons zbuloi një herë ‘zotat e rrokut’ dhe i dha titullin Mick Jagger dhe Keith Richards.
“Si Mick dhe Keith, dy bizele në një bisht. Ata mbeten ende të fortë dhe të palëkundur në sytë e ZZ Top. Dy personazhe më vete. Por unë mendoj se është një mënyrë komode për t’u dhënë atyre një bashkim të duhur”, ka thënë Gibbons.
Gibbons ka shtuar se takimi me Stones për herë të parë ishte në 1972.
Ai tha se Stones kishin rezervuar tri paraqitje në Hawaii, dhe kishin një shfaqje të premten mbrëma, një përformancë në pasditen e së shtunës dhe një shfaqje në mbrëmjen e së shtunës, njofton Far Out.
Gibbons shtoi se ato net në Hawaii ishin ndoshta disa nga më të ashprat që panë ndonjëherë në vitet 1970. Richards dhe Jagger dhe vetë Gibbons, të gjithë duke konsumuar një sasi pije alkoolike, dhe ka shumë të ngjarë, disa substanca të tjera të ndaluara.
Gibbons, gjithashtu, emëroi Keith Richards si kitaristin e tij më të preferuar ndonjëherë.
“Keith Richards. Është e pabesueshme të mendosh se Stones, Keith, këta djem ishin heronjtë e mi kur po filloja, dhe tani janë miq. Ata shpëtuan muzikën blues amerikane me punën e tyre, duke e kthyer muzikën në shtëpi në ShBA dhe duke i dhënë ‘bluesmen’ origjinale amerikane një karrierë dhe njohje. [Keith] është një mik i dashur dhe ai është personazhi; ai është ‘pirati barbar’”, ka thënë Gibbons.