Sami Mazreku, Drejtor i Byrosë Kosovare të Sigurimit, ka prezantuar punën 20-mujore. Ai ka treguar se falë punës dhe angazhimit të madh kanë arritur që të mbyllin 11,435 lëndë, dhe këtë për 20 muaj.
“Më 30 shtator të vitit 2020, kur kam ardhur unë në BKS kam gjetur 5191 lëndë aktive. Deri më 30 qershor të këtij viti, në BKS kemi pranuar edhe 8329 lëndë të reja. Falë punës dhe angazhimit të madh kemi arritur t’i mbyllim 11,435, derisa aktive për momentin janë 2,716 lëndë” ka thënë drejtori Mazreku.
Ai ka treguar se këto rezultate, gjatë javës së kaluar, i kishte prezantuar edhe në Bruksel gjatë takimit që ka pasur aty me zyrtarë të lartë të Byrosë së Kartonit të Gjelbër.
“Në BKS për herë të parë lëndët trajtohen dhe kompensohen në afate rekorde kohore”.
Sa i përket shkakut të zvarritjes së lëndëve, Mazreku ka thënë se një pjesë e lëndëve janë duke u zvarritur, sepse një pjesë e lëndëve që janë aktive po zvarriten nga disa avokatë që sipas tij, nuk po shkojnë në BKS për të nënshkruar marrëveshje.
“Apeloj të avokatët, por edhe të qytetarët që të vijnë në BKS-së t’i nënshkruajnë lëndët dhe t’i marrin mjetet menjëherë” ka shtuar Mazreku.