Plani i Rusisë për t’i zgjeruar forcat e saj të armatosura nuk ka gjasa të ketë ndikim në luftën në Ukrainë, ka thënë Ministria e Mbrojtjes e Britanisë së Madhe.
Kohët e fundit presidenti rus, Vladimir Putin, ka nënshkruar një dekret për të rritur personelin ushtarak të forcave të armatosura ruse në më shumë se 1.15 milionë, një rritje e mundshme prej 137 mijë.
Por, Ministria e Mbrojtjes ka thënë se rritja nuk ka pasur gjasa të rriste fuqinë luftarake të Rusisë, për shkak të humbjeve të vazhdueshme.
Ndërkaq, dekreti i Presidentit Putin kishte ardhur në mes të një përpjekjeje për rekrutime ushtarake, transmeton BBC.
Në përditësimet e fundit mbi luftën në Ukrainë, ministria e Britanisë së Madhe ka thënë se nuk është e qartë nëse rritja e planifikuar do të arrihet duke rekrutuar më shumë vullnetarë apo duke rritur rekrutimin.
Ndryshe, rreth 70 deri në 80 mijë trupa janë vrarë ose plagosur qëkur Rusia ka pushtuar Ukrainën gjashtë muaj më parë, sipas zyrtarëve perëndimorë.