Çfarë deklaruan dy rusët dhe ukrainasi pasi u arrestuan nga policia për incidentin në Gramsh?

“Jemi turistë. Kemi pasion fotografinë e uzinave të braktisura" kështu kanë thënë 3 shtetasit e huaj të cilët janë arrestuar pasi kanë tentuar të futen në uzinën e Gramshit. Pavarësisht pretendimeve të tyre, sendet personale të 2 djemve dhe një vajze, ku 2 prej tyre rusë nga Moska dhe një ukrainas janë dërguar në laboratorin shkencor për ekzaminim

Svetlana Timofoeva, një nga personat e ndaluar nga policia në Shqipëri

“Jemi turistë. Kemi pasion fotografinë e uzinave të braktisura. Menaxhojmë faqe në instagram dhe nuk i përkasim asnjë agjencie inteligjente”, ishin fjalët të cilat i kishin thënë tre personat e ndaluar nga policia, të cilët kishin tentuar të futeshin në uzinën e Gramshit.

Pavarësisht pretendimeve të tyre, sendet personale të 2 djemve dhe një vajze, ku 2 prej tyre rusë nga Moska dhe një ukrainas janë dërguar në laboratorin shkencor për ekzaminim.

33-vjeçrja Svetlana Valerneva Timofoeva, kishte postuar foto në llogarinë e saj në Instagram vetëm disa minuta para ndalimit nga policia.

Në këtë blog në njërin nga postimet e saj ajo kishte shkruar se ka 15 vjet që e ndjek këtë hobi.

Grupi shihet se ka qenë në shumë vende të ndryshme, të cilët edhe kanë fotografuar uzina të ngjashme.

Në faqe ka fotografi nga Bullgaria, Gjeorgjia, Greqia e së fundmi nga Italia, raporton topchannel.

Ndryshe, 33-vjeçarja Svetlana Timofoeva, me pasaportë ruse, Mikhail Zorin 23-vjeç me pasaportë ruse, dhe një tjetër i ri me pasaportë ukrainase janë arrestuar nga autoritetet shqiptare mbrëmjen e së shtunës të 20 gushtit pas një incidenti në Uzinën e Përpunimit të Armëve në Gramsh.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika