Çfarë është dhe pse nevojitet testi i inteligjencës?

Foto ilustruese

Erblin Havolli, nga Shoqata e Psikologëve të Kosovës, teksa ka folur për organizimin e trajnimit të datës 11-12 maj, “Testi i inteligjencës KOG 3″, ka theksuar rëndësinë dhe përdorimin e këtij testi.

Ai për emisionin Reload, ka thënë se KOG 3 është një instrument i përdorur për të vlerësuar funksionin intelektual të personave në mënyra të ndryshme.

Hagolli ka vënë në dukje se ky test mund të përdoret për të vlerësuar funksionet kognitive të personave normal, si dhe për të identifikuar çrregullimet intelektuale dhe për të vlerësuar funksionet e veçanta tek personat me disa lloje të disfunksioneve psikike.

“Të mirat e tij janë që KOG 3 mundet me u përdor si tërësi, brenda tij janë tri teste që munden me u përdor veç e veç. Për shembull munden me u përdor për me i vlerësu funksionin intelektual te personat normal, mundet me u përdor me i vlerësu çrregullimet  intelektuale në tërësi po ashtu mundet me u përdor për me i veçu funksionet e veçanta tek personat me disfuksion psikik”, ka thënë Hagolli.

Ai gjithashtu ka bërë të ditur se pjesë e trajnimeve profesionale është edhe trajnimi për përdorimin e këtij testi të inteligjencës dhe orientimit profesional, i njohur si KOG 3.

Trajnimi kryhet në dy mënyra, individualisht dhe në grup.

Nëpërmjet këtij testi, ai ka thënë se bëhen vlerësimet e aftësive kognitive të personave, duke përfshirë vlerësimin e kuptimit verbal, perceptimin dhe aftësitë hapësinore.

“Ka me u mbajt një trajnim për testin e inteligjencës dhe orientimit profesional që ndryshe quhet KOG 3. Kjo bën pjesë tek trajnimet profesionale, ky bëhet zakonisht në dy lloj metodat, individual dhe grupor. Me një lloj testi të inteligjencës bëhen matjet e aftësisë e funksionit kognitive të personit, shembull vlerësimi i të kuptuarit verbal, vlerësimi në perceptim po ashtu edhe aftësitë hapësinorë”, është shprehur ai.

Sipas tij, këto trajnime përqendrohen kryesisht tek profesionistët e fushës së psikologjisë dhe synojnë të përmirësojnë aftësitë e tyre në përdorimin efikas të testit të inteligjencës për qëllime klinike.

“Në vendin tonë ne këtë trajnim e bëjmë prej vitit 2018, qëllimi i këtij trajnimi është që kandidatët që marrin pjesë aty të kenë mundësi ta përdorin me efikasitet sa më të lartë testin e inteligjencës gjatë punës së tyre klinike për të qenë sa më të aftë dhe cilësor”, ka thënë ai.

Ai mes tjerash ka theksuar se testi i inteligjencës KOG 3 është i besueshëm dhe i vlefshëm, duke pasur cilësi shumë të mira për përdorimin në praktikën profesionale.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika