Qamil Feka nga departamenti i menaxhimit të rrugëve në ministrinë e Infrastrukturës, për Radio Dukagjinin ka treguar se cilat janë rrugët me të rrezikshme për qarkullim pas reshjeve të dendura të borës në Kosovë.
Ai ka thënë se pavarësisht që sot në të gjitha rrugët e Kosovës që nga orët e hershme të mëngjesit ka pasur reshje të borës ekipet e mirëmbajtëseje së rrugëve janë në terren.
“Të gjitha kompanitë e kontraktura janë në terren nëpër rrugët rajonale nacionale, nëpër autoudhët dhe të gjitha rrugët të cilat janë nën përgjegjësin e ministrisë së infrastrukturës ekipet janë në terren”, ka thënë Feka.
Më tej ai ka thënë se nuk ka as një rrugë e cila është e bllokuar nga reshjet e borës.
“Nuk kemi rrugë të pa kalueshme por vetëm kemi rrugë me rrezikshmëri pak ma të lartë”, ka thënë ai.
Ndërsa sipas tij rrugë me rrezikshmëri është rruga nga Podujeve, Kërpimeh, Bajgore, Mitrovicë.
“Rruga për Prevallë është me rrezikshmëri të lartë në të cilën qarkullim duhet të jetë shumë më kujdesshme”
Ai ka përfunduar duke thënë se të gjitha ekipet e mirëmbajtjes janë në terren për t’i mbajtur rrugët e hapura dhe për ta minimizuar rrezikshmërinë.
“Borë në Gusht nuk bie”, Haradinaj i fton qeveritarët që të dalin ta shohin gjendjen