Cilët janë të “larguarit” nga burgjet e Kosovës?

Edhe sot më 15 korrik 2024, Institucionet e Sigurisë janë duke vazhduar kërkimin dhe lokalizimin e katër të arratisurve nga burgjet e Kosovës. Ku për brenda tre muajve, katër “kriminela” kanë arritur t’u ikin grilave.

Fillimisht, më 18 maj, Enver Sekiraqa është arratisur pas ndryshimit të masës së sigurisë, ku Gjykata e Apelit dy ditë më parë kishte vendosur që atë ta kthejë në paraburgim.

Lajmi për arratisjen e tij u konfirmua për mediat nga Policia e Kosovës dhe u bë e ditur se janë ndërmarrë të gjitha masat për informim dhe ndalim të Sekiraqës në të gjitha vendkalimet kufitare.

Arratiset Enver Sekiraqa, Policia: Kemi informuar të gjitha vendkalimet kufitare

Pas largimit të Enver Sekiraqës, i dyti është Faton Hajrizi ku me 6 korrik është arratisur nga Burgu i Smrekonicës në Kosovë.

Faton Hajrizi, qytetari që ishte dënuar me 25 vite burguim kur vrau një ushtar rus në moshën 15 vjecare, në mëngjesin e sotëm ka ikur nga Burgu i Smrekonicës që është edhe hera e tij e nëntë me radhë që e ka bërë një gjë të tillë.

Arratiset nga burgu për herë të nëntë Faton Hajrizi, suspendohen dy punonjës

Personi i tretë është Ujkan Metaj.

Ujkan Metaj i dënuar me 11 vjet burgim është arratisur sot nga Burgu i Dubravës.

Arratisja apo largimi i katërt është Marko Roshiq, një nga katër të dënuarit për vrasjen e ish-politikanit serb, Oliver Ivanoviq është arratisur nga drejtësia.

Këtë e ka konfirmuar për Portalin Dukagjini, zv.drejtori i policisë për rajonin e veriut, Veton Elshani.

“Ditën kur është marrë vendimi neve na kanë sjellur vendimin për ekzekutimin e dënimit dikund pasdite. Po atë ditë ne kemi shkuar për ta arrestuar por ai s’ka qenë në shtëpi”, ka thënë Elshani.

I shpallur fajtor dhe i dënuar nga shkalla e parë e Gjykatës Themelore në Prishtinë, Roshiq ishte liruar nga paraburgimi dhe po mbrohej në liri.

Ndërkaq Gjykata Themelore në Prishtinë e shpalli të premten e 28 qershorit aktgjykimin për rastin e vrasjes së Oliver Ivanoviqit, duke i dënuar me burgim katër persona, ndërsa e liroi një tjetër.

Nedelko Spasojeviq, Marko Roshiq, Dragisha Markoviq dhe Zharko Jovanoviq u dënuan në total me 22 vjet e gjashtë muaj burgim, ndërsa Sillvana Arsoviq u lirua nga akuzat.

Ivanoviq u vra më 16 janar të vitit 2018, para objektit të partisë së tij në Mitrovicë të Veriut.

Arratiset Marko Roshiq, i dënuari për përfshirje në vrasjen e Oliver Ivanoviqit