Cili do të jetë fati i “Ballkanit të Hapur” pas marrëveshjes Serbi-Rusi

Thirrje për parandalim të tentimeve eventuale të destabilizimit të Ballkanit përmes nismës së Ballkanit të Hapur u janë bërë Shqipërisë dhe Maqedonisë. Ish-diplomati, Nesho shprehet i bindur se “Ballkani i Hapur” është krijuar për interesa personale të Presidentit Vuçiqit dhe kryeministrit Rama

Dy prej vendeve themeluese të “Ballkanit të Hapur, Shqipërisë dhe Maqedonisë së Veriut u është bërë thirrje për parandalim të tentimeve eventuale të destabilizimit të Ballkanit përmes kësaj nisme. Thirrja vjen pas thellimit të bashkëpunimit të Serbisë dhe Rusisë në fushën e politikës së jashtme. Në Shqipëri, kjo marrëveshje vlerësohet si goditje ndaj “Ballkanit të Hapur”, kurse në Kosovë si mundësi për të shtrirë ndikimin negative rus në rajon.

Vendosja e këtyre nënshkrimeve në marrëveshjen e radhës mes Serbisë dhe Rusisë nxiti mllef e reagime te shtetet perëndimore.

Por, përveç bashkësisë ndërkombëtare, vlerësohet se kjo marrëveshje ka dëmtuar edhe iniciativën “Ballkani i Hapur”.

Ish-diplomati shqiptar, Agim Nesho thotë se marrëveshja i ka dhënë një goditje nismës së themeluar nga Shqipëria dhe Serbia.

“Kjo politikë është në vazhdimësi të politikave serbe sidomos Serbia, Republika Srpska që është satelit i Rusisë. Janë tepër të prirura për një bashkëpunim me Rusinë dhe si e tillë janë një provokaci ndaj Bashkimit Evropian dhe Shteteve të Bashkuara të Amerikës”, ka deklaruar Nesho.

Nesho është i bindur se “Ballkani i Hapur” është krijuar për interesa personale të Aleksandar Vuçiqit dhe Edi Ramës.

Pritje për ndikim negativ në “Ballkanin e Hapur” nga thellimi i bashkëpunimit të Serbisë dhe Rusisë në politikën e jashtme, ka edhe në Prishtinë.

Por, profesori i marrëdhënieve ndërkombëtare, Ibrahim Gashi vlerëson se këto efekte duhet t’i parandalojnë Shqipëria dhe Maqedonia e Veriut.

“Këto dyja nëse shohin që nisma e Ballkanit të Hapur mund të keqpërdoret nga ana e Serbisë, përkatësisht e Rusisë duhet të tërhiqen. Mendoj që është momenti i fundit të qartësojnë qëndrimin e tyre brenda kësaj nisme në rast se një e tillë synon të përdoret për destabilizimin ose për interesa të Rusisë në Ballkan”, ka deklaruar Ibrahim Gashi, Profesor i marrëdhënieve ndërkombëtare.

Megjithatë, Gashi shton se aktualisht nuk ka vend për brengosje derisa këtë iniciativë nuk e kundërshton SHBA-ja.

Anëtarë të “Ballkanit të Hapur” aktualisht janë Serbia, Shqipëria dhe Maqedonia e Veriut, derisa së fundi si vëzhgues marrin pjesë Mali i Zi dhe Bosnja e Hercegovina.

Kurse, Kosova refuzon të bëhet pjesë e kësaj iniciative, ndër të tjera me arsyetimin se ajo përbën rrezik për hapje ndaj ndikimet nga Rusia dhe Kina.

Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

Rama polemikë me politikanin zviceran: Akuza për trafikim organesh është...

Kryeministri i Shqipërisë, Edi Rama, e ka pasur një polemikë me politikanin zviceran Damien Cottier, i cili i tha kryeministrit të Shqipërisë, se fjalimi...

Publikohen 9 pikat e planit franko-gjerman

Propozimi franko-gjerman për një kornizë të re të dialogut ndërmjet Kosovës dhe Serbisë po konsiderohet si një plan konkret për arritjen e një marrëveshjeje...

Bija e gruas së keqtrajtuar: Nuk kam fjalë ta shpreh...

Bija e gruas së moshuar e cila është keqtrajtuar fizikisht në një qendër për të moshuar në Pejë, nën emocione ka thënë se është...

Të fundit nga rubrika