Nënkryetarja e Partisë Demokratike të Kosovës (PDK), Vlora Çitaku, e ka kritikuar kryeministrin e Kosovës, Albin Kurtin për deklaratat e tij lidhur me raportet ShBA – Kosovë.
Lexo më shumë: Kurti: SHBA-ja s’duhet të presë që unë ta shohë Serbinë me sytë e saj
“Po, Albin, Amerika nuk e sheh Serbinë me sytë e tu. E kuptueshme kjo. Po me sytë e tu nuk e sheh as Kosovën. Se në sytë e tu, Kosova është shkatërru qe dy dekada”, ka shkruar Çitaku.
Ajo ka thënë se në sytë e Amerikës, Kosova është çliruar, pavarësuar, zhvilluar e ndërtuar.
“Nihilist, cinik. Kaq je, dhe ke me mbetë pa asnjë rezultat”, është shprehur Çitaku.
Lidhur me këtë, kritika ka pasur edhe kreu i AAK-së, Ramush Haradinaj.
Lexo më shumë: Haradinaj – Kurtit: O i mjerë, sytë e Amerikës ishin pilotët e saj që shpëtuan një popull nga zhdukja
Nëpëmjet një postimi, ai ka thënë se ka kohë që kryeministri nuk përfaqëson qëndrimin e popullit.