Ish-ambasadorja e Kosovës në Shtetet e Bashkuara të Amerikës, Vlora Çitaku i ka reaguar presidentit të Serbisë, Aleksandar Vuçiq, i cil ka thënë se do të kërkojë në bazë të rezolutës 1244 të Këshillit të Sigurimit, do të dërgojë nga KFOR-i lejimin e dislokimit të forcave serbë në Kosovë.
Ndërsa nënkryetarja e Partisë Demokratike të Kosovës, Vlora Çitaku i ka thënë se “Zoti Vuçiq, ju e dini shumë mirë se policia dhe ushtria serbe nuk do të shkelin kurrë më në Kosovë”.
“Lexoni marrëveshjen e Kumanovës dhe më pas lexoni aktvendimin e GJND-së”, ka deklaruar ajo.
“Le të pranojmë faktet, të përpiqemi të jemi të këndshëm si fqinjë dhe të vazhdojmë përpara”, ka shkruar në Twitter Çitaku.
Mr. Vucic, you know very well that the Serbian police & military will never, ever, step foot in #Kosovo again!
Read the #Kumanovo agreement, and then read the ruling of the ICJ.
Lets acknowledge the facts, try to be agreeable as neighbors & move on.
Kosovo is here to stay🇽🇰❤️
— Vlora Çitaku 🌻 (@vloracitaku) December 10, 2022
Çitaku ka përfunduar duke e thënë se “Republika e Kosovës është këtu për të qëndruar”.
Presidenti i Serbisë, Aleksandar Vuçiq, ka thënë se kanë marrë vendim që t’i kërkojnë KFOR-it që të lejojë kthimin e ushtrisë serbe në Kosovë në përputhje me Rezolutën 1244.
“Është rënë dakord për një tekst që do t’i dërgohet komandantit të KFOR-it për të siguruar dislokimin e pjesëtarëve të ushtrisë dhe policisë serbe në Kosovë që parashihet në Rezolutën 1244 të Këshillit të Sigurimit të OKB-së”, ka deklaruar Vuçiq.
Me tej, Vuçiq ka thënë se për ish-policin e Kosovës, Dejan Pantiq, nuk do të dorëzohen por, do të luftojnë.
“Nuk ka dorëzim dhe nuk do të ketë dorëzim. Këtë le ta dinë të gjithë ata që vijnë tek unë në ditët në vijim. Unë nuk shqetësohem për çmimin që do të paguaj personalisht. Mesazhi im mbetet, nuk ka dorëzim dhe po i them Suzana Pantiqit dhe fëmijëve të saj se do të luftojmë për burrin dhe babanë e tyre”, ka kërcënuar Vuçiq.