Pas deklaratës së zëvendëskryeministrit dhe kryenegociatorit të Kosovës në dialog me Serbinë, Besnik Bislimit, se “duhet të jemi gati për luftë”, ka reaguar deputeti i Partisë Demokratike të Kosovës (PDK), Enver Hoxhaj.
Hoxhaj është shprehur tej mase “kritik” ndaj kësaj deklarate.
“Shndrrimi i politikës së jashtme të Kosovës si një mekanizëm për të mos bërë asgjë, ka bërë që Kosova të paraqitet ndërkombëtarisht si një shtëpi kartoni, në të cilën çdo minut mund të shpërthejë lufta, duke treguar më shumë profilin personal të aventurierëve politikë që drejtojnë sot Kosovën, mungesën e dijes në komunikim ndërkombëtar dhe arrogancën si mënyrë për të fshehur dobësinë e tyre psikologjike,” shkruan Hoxhaj.
E zëvëndëskryeministrin Besnik Bislimi e ka quajtur “politikan të padijshëm”.
“Nisur nga dëshira për të treguar se po bënë diçka, i pavetëdijshëm për përgjegjësinë dhe i humbur në kohë e hapësirë, zëvendëskryeministri Besnik Bislimi, është shembull tipik i politikanit gjithsesi të padijshëm që ngatërron kuptimin e qëndrimit politik me ndjeshmërinë e lidhjes me publikun, kur deklaroi në mediumin ukrainas se “duhet të jemi gati për luftë”.
Sipas Bislimit “Kur negociatori dështon, ai flet për luftën.”
“Me këtë lloj deklarate Besnik Bislimi e ka shpallë veten negociator të dështuar,” shkruan Hoxhaj.