Këtë javë, delegacioni nga Kuvendi i Shqipërisë ka vizituar librarinë më të madhe në vend “Dukagjini Bookstore”.
Kryetarja e Komisionit të Integrimit Evropian, Jorida Tabaku, dhe tetë deputet të tjerë të këtij komisioni vizituan librarinë “Dukagjini” bashkë me ambasadorin e Shqipërisë në Kosovë, Qemal Minxhozi.
Gjatë takimit ata shprehen interes për botimet në gjuhën shqipe nga shtëpia botuese “Dukagjini” dhe botues të tjerë, bashkëpunimin me shtëpitë botuese në Shqipëri dhe anasjelltas.
Së bashku me stafin profesional të librarisë Dukagjini, mysafirët nga Shqipëria kaluan momente të bukura në ambientin e ngrohtë dhe miqësor që libraria ofron, duke diskutuar për vlerën më të rëndësishme të shoqërisë, librin.