Deputetja e VV-së: Haki Abazi ka qenë jobashkëpunues, askush nuk e ka lavdëruar

Deputetja e Lëvizjes Vetëvendosje (LVV), Fitore Pacolli, gjersa ka folur për largimet dhe përjashtimet brena Grupit Parlamentar të partisë së saj, ka deklaruar se deputeti i Kuvendit të Kosovës, Haki Abazi ka qenë jobashkëpunues dhe asnjë person me të cilët ai ka punuar nuk e ka lavdëruar.

“Sa i përket deputetit Haki Abazi, prej momentit kur ka filluar ky mandat nuk ka gjetur rahati. Sepse është egoja e tij, është person jo bashkëpunues, unë tani në Kosovë nuk kam takuar asnjë person me të cilët edhe ka punuar edhe ka bashkëpunuar, sidomos me organizatat joqeveritare, të cilat e lavdërojnë ose flasin për të se është bashkëpunues. Nuk ka qenë bashkëpunues prej fillimit. Nuk po themi se është bërë i keq”, është shprehur ajo në Debat Plus.

Po ashtu, ajo ka thënë se si parti e kanë ditur që deputetët janë të ndryshëm dhe sipas saj, disa kanë interesa personale, disa kanë interesa që të avancojnë edhe vet si persona politik.

Pas largimit të deputetes Doarsa Kica-Xhelili dhe deputetit të pakënaqur të Lëvizjes Vetëvendosje, Fatmir Humolli, atyre iu bashkua Haki Abazi, i cili të mërkurën u përjashtua nga Grupi Parlamentar i Lëvizjes Vetëvendosje.

Deputetja i VV-së, në raport me deputetët që tashmë janë jashtë VV-së, ka thënë se ata janë persona shumë të ndryshëm dhe nuk kanë gjetur gjuhën e përbashkët në grupin e tyre parlamentar.

“Unë nuk e kuptoj deputeten Doarsa Kica se pse është larguar, sepse ajo nuk ka arsye dhe nuk gjen arsye se pse ka ikur nga Vetëvendosje”, ka thënë tutje ajo.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika