Policia e Kosovës ka njoftuar se personi i cili mbrëmjen e së shtunës u gjet i vdekur afër xhamisë së fshatit Vërmicë, kishte pasur lëndime trupore nga arma e zjarrit.
Përmes raportit 24 orësh të Policisë së Kosovës, Policia ka dhënë detaje, lidhur me vdekjen e një shtetasi të huaj në Vërmicë të Prizrenit, duke thënë se mjeku përgjegjës kishte konstatuar se plagët e viktimës janë nga arma e zjarrit.
“Raportohet se në fshatin Vërmicë është hasur viktima mashkull shtetas i huaj, i cili kishte lëndime trupore. Njësitë relevante policore dhe një ekip i ndihmës së shpejtë kanë dalë në vendin e ngjarjes, ku mjeku përgjegjës ka konstatuar se viktima ka plagë nga arma e zjarrit dhe është dërguar për trajtim mjekësor në spitalin e Prizrenit”, shkruhet në raport.