Një zjarr i madh ka shpërthyer të hënën në parkingun e qendrës tregtare “Albi Mall” në Prishtinë, ka bërë të ditur Policia e Kosovës për Portal D.
Në mesditën e së hënës, një zjarr ka shpërthyer në parkingun e një qendre tregtare në Veternik. Sipas policisë, zjarrfikësit kanë lokalizuar shpejt zjarrin, por janë dëmtuar disa vetura.
“Më 9 maj 2022 rreth orës 13:40 në Veterrnik të Prishtinës, në një parking veturash është raportuar për një rast zjarri. Njësitet policore menjëherë kanë dalë në vendin e ngjarjes, ku kanë vërejtur se nga zjarri i cili dyshohet se ka kapluar një veturë të parkuar, dyshohet se janë djegur/dëmtuar edhe disa vetura tjera të parkuara. Janë njoftuar me kohë njësitet e zjarrfikësve të cilat kanë lokalizuar zjarrin. Për momentin nuk raportohet për të lënduar por vetëm për dëme materiale në 7 apo 8 vetura. Lidhur me rastin janë duke u kryer hetime intensive”, kanë konfirmuar Policia e Kosovës për Portal D.