Ministri i Punëve të Jashtme të Greqisë, Nikos Dendias, të hënën e 23 majit, do ta vizitojë Shqipërinë.
Sipas një njoftimi nga Ministria e Jashtme e Greqisë, ai do të takohet fillimisht me anëtarë të minoritetit grek në Himarë dhe më pas me kryepeshkopin e Tiranës, Durrësit dhe gjithë Shqipërisë.
Agjenda e kreut të diplomacisë helene, përfshin edhe takime me kryeministrin Edi Rama dhe homologen Olta Xhaçka.
Xhaçka do të presë Dendias në orën 11:00, dhe më pas do të kenë një konferencë të përbashkët për shtyp.
Bisedimet do të përqendrohen në çështje me interes rajonal dhe evropian, duke pasur në fokus marrëdhëniet mes Greqisë dhe Shqipërisë në të gjitha fushat.
Po ashtu edhe Presidenti i Këshillit Evropian, Charles Michel, është pritur të premten e 20 majit nga kryeministri i Shqipërisë, Edi Rama.
Presidenti i Këshillit Evropian, Charles Michel, ka thënë se negociatat me Tiranën duhet të hapen sa më parë.
Qysh në fillim, Charles ka vlerësuar mbështetjen e Shqipërisë dhe bashkëngjitjen e saj në kauzën ndaj Ukrainës.