Djalli i madh i ish-presidentit amerikan, Donald Trump, ka thënë se SHBA mund të tërhiqet nga mbështetja për përpjekjet e luftës së Ukrainës, gjatë një fjalimi të mbajtur në një konferencë në Lindjen e Mesme.
Trump Jr, i cili nuk ka rol zyrtar në administratën e të atit por mbetet figurë kyçe në lëvizjen MAGA, pasqyroi një qëndrim skeptik brenda ekipit të Trump-it ndaj qeverisë së Kievit.
Deklaratat e tij vijnë në një kohë kur ekipi negociator i Trump-it po ushtron presion mbi Ukrainën që të heqë dorë nga disa territore.
Ai akuzoi Zelenskyyn se po e zgjat luftën me qëllim politik, duke pretenduar se presidenti ukrainas “nuk do të fitonte kurrë zgjedhje nëse lufta do të përfundonte”.
Trump Jr e përshkroi Ukrainën si “shumë më të korruptuar se Rusia”, ndërsa sulmoi edhe shefen e politikës së jashtme të BE-së, Kaja Kallas, duke thënë se sanksionet evropiane ndaj Rusisë nuk po funksionojnë dhe se “vetëm kanë rritur çmimin e naftës”, gjë që sipas tij e ka ndihmuar Moskën të financojë luftën.
Gjatë fjalimit, ai pretendoi – pa ofruar prova – se gjysma e supermakinave në Monako këtë verë mbanin targa ukrainase, duke shtuar se “të pasurit ikën dhe lanë klasën e thjeshtë të luftonte”.
Sipas tij, SHBA nuk duhet të vazhdojë të jetë “budallai me çek” që paguan për gjithçka, ndërsa theksoi se gjatë fushatës së vitit 2022 vetëm pak votues e rendisnin luftën në Ukrainë ndër 10 çështjet kryesore të tyre.
Ai pohoi se rreziku nga trafiku i drogës nga Venezuela është “shumë më i madh se çdo gjë që po ndodh në Ukrainë apo Rusi”.
I pyetur nëse Donald Trump, i cili ka premtuar se do të sillte paqe të shpejtë në Ukrainë, mund të tërhiqej plotësisht nga mbështetja për Kievin, Trump Jr tha se “ndoshta po”, duke e cilësuar babanë e tij si një nga figurat më të paparashikueshme të politikës amerikane./TheGuardian