DokuFesti me turistët e huaj, infuzion për ekonominë e Prizrenit

Festivali Ndërkombëtar i Filmit të Shkurtër dhe Dokumentar "DokuFest" ka arritur fundin, por i konsiderueshëm është numri i turistëve që ai ka sjellur në Prizren. Rrjedhimisht, i madh vlerësohet të jetë edhe ndikimi i këtij festivali në ekonominë e qytetit. Gastronomët prizrenas, pas dy viteve të vështira me pandeminë, janë të kënaqur me numrin e klientëve gjatë kësaj jave. Por ata kërkojnë më shumë mbështetje për festivale të tilla

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit.

Shkaku i këtij fluksi turistësh në kryeqytetin historik është “DokuFesti”.

Festivali Ndërkombëtar i Filmit të Shkurtër dhe Dokumentar ka tërhequr interesim të madh pas dy viteve të zbehta për shkak të pandemisë.

“Pothuajse të gjitha kinematë ku i shfaqim filmat tanë, janë të stërmbushura dhe të gjitha koncertet muzikore që i kemi çdo ditë gjithashtu ka shumë interesim. Vetëm në hapje të DokuFestit kemi pasur mbi 500 mysafirë të cilët i kemi pasur te Kino ‘Lumbardhi’”, ka thënë Malbora Krajku, Menaxhere e Projekteve, DokuFest.

Malbora Krajku, Menaxhere e Projekteve, DokuFest

Përveç kulturës dhe imazhit ndërkombëtar të vendit, ata që kanë përfituar më së shumti nga numri i madh i turistëve janë gastronomët prizrenas.

Kreu i këtij sektori, Ilir Shala tregon se ndër vizitorët e huaj, një numër i konsiderueshëm i tyre kanë qenë nga shtetet që nuk e njohin pavarësinë e Kosovës.

“Impakti ekonomik i tyre vërehet. Janë shpenzues, kemi një bashkëpunim me kolegë, një raport apo komunikim që hotelet janë të rezervuara, gastronomët mos të them shumë mirë, por janë mirë për shkak se e dimë që pas COVID-it kemi pasur vështirësi dhe të gjitha, por këto festivale, besoj edhe Dokufesti ka gjallëru qytetin dhe i kanë dhënë frymë tjetër”, ka thënë Ilir Shala, Kryetar i Gastronomëve të Prizrenit.

Ilir Shala, Kryetar i Gastronomëve të Prizrenit

Shpresa e gastronomëve prizrenas mbetet te institucionet qendrore dhe lokale në subvencionimin e sa më shumë ngjarjeve të tilla kulturore.

“Të gjitha bizneset kanë pasur vështirësi shumë të mëdha. Gjatë dy viteve të fundit gastronomia ka qenë në kushte shumë të këqija, kështu që kjo periudhë kohore, ky fluks i madh po u ndihmon edhe atyre me i rritë të ardhurat dhe me u rikuperu, se jo me  e rritë fitimin, po më shumë rikuperim i dy vitve që kanë qenë shumë të vështira”, ka thënë Jona Haxhiu, zëdhënëse e komunës së Prizrenit.

Jona Haxhiu, zëdhënëse e komunës së Prizrenit.

Kinemaja ka regjistruar mbi 10 mijë adhurues të filmave gjatë javës së DokuFestit, kurse në DokuNights rreth pesë mijë vizitorë kanë dëgjuar muzikë nga bende e muzikantë të ndryshëm.

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika