Ardian Millaku ka dhënë dorëheqje nga pozita e drejtorit të Klinikës së Onkologjisë në Qendrën Klinike Universitare të Kosovës.
Për Portali D, onkologu Millaku ka thënë se pas dorëheqjes nuk ka marrë ende aprovimin nga menaxhmenti.
“Kam dhënë dorëheqje të martën, mirëpo nuk kam marrë akoma aprovim”, ka thënë Millaku, gjersa ka shtuar se arsyeja e kësaj dorëheqjeje është personale.
“Kontributi im më i madh është si mjek, jo si menaxher”, ka thënë Millaku për Portalin D, duke theksuar se kjo është arsyeja kryesore e tij.
Millaku ishte emëruar një muaj më parë në detyrën e drejtorit të Klinikës së Onkologjisë, ndërsa në vitin 2017 ai ishte emëruar si zëvendësdrejtor i Klinikës së Onkologjisë.