Në ditën e katërt të panairit të librit “Prishtina 2024” shtëpia botuese “Dukagjini “ ka pritur shumë dashamirës të librit.
Mëngjesi kishte filluar me lexues të ndryshëm, nga më të vegjlit e deri te më të moshuarit.
“Secili tip i lexuesve për ne është i veçantë, andaj ekipi ynë, me një përkushtim maksimal, u mundua t’i ndihmojë në përzgjedhjen e librave secilit lexues”, kanë shkruar nga “Dukagjini”.
Nga ana tjetër, “Dukagjini” përveç librave u ofroi edhe autorët e tyre afër lexuesit, duke shtuar energjinë pozitive edhe më shumë dhe gjallërinë tek stenda e tyre.
Lexuesit paten rasti të takohen me autorin e “Komploti”-t, Ben Blushin dhe autorin e “Amanete zemre”, Enver Petrovci.
Pa dyshim lexues të shumtë u afruan të takojnë autorin e tyre të preferuar, të diskutojnë rreth librave e të marrin librin e nënshkruar.
Shtëpia botuese “Dukagjini” edhe ditën e fundit të panairit do të jetë pranë lexuesit të.
Shtëpia më e madhe botuese në Kosovë “Dukagjini” edhe nesër do vazhdoj me një ofertë mjaft të përshtatshme për të gjithë dashamirësit/et e librit.
- 30% zbritje në të gjitha botimet për fëmijë
- 40% zbritje në kolanën “Anima”; dhe deri në
- 50% zbritje në të gjitha botimet e tjera të “Dukagjini”-t.
Panairi i librit “Prishtina 2024” do të mbyllet nesër pasdite, andaj “Dukagjini” ju fton që të mos mungoni e të përfitoni nga ofertat e saja.