Kryeministri i Kosovës, Albin Kurti, e ka përkujtuar ish-sekretaren e shtetit të ShBA-së, Madeleine Albright në dyvjetorin e vdekjes.
Përmes një postimi në platformën “X”, Kurti ka thënë se Kosova do të jetë gjithmonë mirënjohëse për përkrahjen e saj ndaj ndërhyrjes së NATO-s në vendin tonë gjatë luftës.
“Kanë kaluar dy vjet që nga vdekja e Sekretares së Shtetit të SHBA, Madeleine Albright, një avokate e vendosur për vlerat amerikane jashtë vendit. Kosova do të jetë gjithmonë jashtëzakonisht mirënjohëse për përkrahjen e saj ndaj ndërhyrjes së NATO-s, e cila ndaloi krimet e papërshkrueshme të gjenocidit”, ka shkruar Kurti.
It has been two years since the passing of US Secretary of State Madeleine Albright, a staunch advocate for American values abroad. Kosova will always be incredibly grateful for her championing of the NATO intervention, which halted the unspeakable crimes of genocide.
— Albin Kurti (@albinkurti) March 23, 2024