Avokati, Arianit Koci, i cili është angazhuar për kthimin e trupit të Faton Hajrizit në Kosovë, ka konfirmuar se ka parë personalisht trupin dhe e ka identifikuar atë.
Në një deklaratë për mediat, Koci bëri të ditur se konfirmimi përfundimtar i identitetit të trupit do të bëhet edhe nga ekspertët e përfshirë në procesin e identifikimit.
“Po e konfirmoj, e pash trupin e pajetë. Tani mbetet që edhe ekspertët tanë ta konfirmojnë këtë”, ka thënë Koci.
Koci gjithashtu informoi se procedurat për tërheqjen e kufomës nga morgu në Serbi dhe transportimin e saj në Kosovë janë në përfundim.
“Jam në procesin e përfundimit të procedurave për tërheqjen e kufomës”, ka shtuar ai ai.
Faton Hajrizi, i cili ishte arratisur nga një burg në Kosovë, u përfshi në një incident në qytetin Lloznicë në Serbi, më 18 korrik. Sipas autoriteteve serbe, Hajrizi vrau një polic serb dhe plagosi një tjetër gjatë këtij incidenti.