Një grup ekspertësh kanë vizituar një fshat në Ukrainë për të vlerësuar se a ka pasur krime lifte gjatë invazionit ushtarak rus.
Këtë e ka bërë të ditur prokurorja e përgjithshme e Ukrainës, Iryna Venediktova.
Por, autoritetet ukrainase thotë se trupat ruse vranë, përdhunuan dhe torturuan fshatarë në Bohdanivka dhe zona të tjera pranë Kievit.
Nga ana tjetër, Rusia vazhdon të mohoj se ka kryer krime dhe shënjestruar civilët në “operacionin e saj special ushtarak” për të çarmatosur dhe “denazifikuar” Ukrainën.
Kievi dhe aleatët e perëndimor thonë se pushtimi është një luftë e paprovokuar agresioni.
Avokati britanik Wayne Jordash, i cili po koordinon ekipet e lëvizshme të drejtësisë që do të ndihmojnë hetuesit ukrainas, tha se hetimet do të “shkonin në krye” të udhëheqjes politike dhe ushtarake të Rusisë.
“Sigurisht përmasat e këtyre krimeve, natyra sistematike e tyre, ju e dini se duket shumë qartë, krime kundër njerëzimit. Mendoj se këtu është gama e tërë e shkeljeve të të drejtave ndërkombëtare humanitare. Pyetja është pse do sulmoni një kopsht fëmijësh. Është një krim lufte por që flet edhe për mentalitetin e forcave ruse dhe ky është ndoshta krimi më i zakonshëm këtu”, tha ai.
Grupi këshillues u krijua muajin e kaluar për të koordinuar mbështetjen ndërkombëtare për hetuesit ukrainas, të cilët kanë marrë rreth 17 mijë raporte për krime të mundshme lufte që kur presidenti rus Vladimir Putin urdhëroi pushtimin e Ukrainës më 24 shkurt, ka thënë ndër të tjera Jordash.