Eskalon protesta e PSD-së e OVL-UÇK-së, hedhin tym të zi e mjete shpërthyese (VIDEO)

PSD-ja së bashku me OVL-UÇK-në kanë hedhur tym të zi e mjete shpërthyese në drejtim të policisë, që ishin para hotelit ku po mbahet takimi i kryetares së Speciales, Ekaterina Trendafilova, me shoqërinë civile

Protesta e Partisë Socialdemokrate (PSD) ndaj vizitës së kryetares së Dhomave të Specializuara të Kosovë në Hagë, Ekaterina Trendafilova, ka eskaluar.

Ata së bashku me OVL-UÇK-në kanë hedhur tym të zi e mjete shpërthyese në drejtim të policisë që ishin para hotelit ku po mbahet takimi i Trendafilovës me shoqërinë civile.

Ndërsa, policia për të shpërndarë protestuesit ka hedhur gaz lotsjellës.

Tymi ka depërtuar edhe brenda hapësirës së hotelit.

“TrendafilOUT”, “UÇK-ja nuk mund të gjykohet”, “Historia është shkruar, propaganda ka dështuar”, janë disa nga pankartat e mbajtura nga aktivistët e PSD-së.

Duke folur para se protesta të përshkallëzonte, kryetari i PSD-së, Dardan Molliqaj, tha se u mblodhën përballë hotelit për ta kundërshtuar vizitën e Trendafilovës në Kosovë.

“Sa herë që kemi qenë më afër Serbisë dhe marrëveshjeve të këqija me Serbinë, ka pasur përndjekje të UÇK-së. Gjykata e ka në mandat ta ndjekë vetëm UÇK-në, është më e keqe se njëetnike. Ne duhet dhe do ta pengojmë këtë takim. Takimi ka filluar ndërsa ne e vazhdojmë protestën”, tha Molliqaj.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika